Diplomatın diplomatsızlığı
Azərbaycanın Böyük Britaniya, Norveç və İsveçdəki keçmiş səfiri Rafael İbrahimov Çester Kral Məhkəməsində cinsi zorakılığa görə 2 il sınaq müddəti ilə 16 ay müddətinə azadlıqdan məhrum edilib, 20 gün reabilitasiya fəaliyyəti və 200 saat ödənişsiz iş cəzası alıb. Bundan əlavə, İbrahimov 10 il müddətinə seksual cinayətkar kimi qeydiyyatda olmalıdır.
İttihama görə, 60 yaşlı İbrahimov klinikada müalicə olarkən özünü aqressiv aparıb, bir qadının döşünü sığallayıb, digər qadının qasıq nahiyəsinə toxunub və üç qadının əllərini dəfələrlə icazəsiz öpməklə beş dəfə cinsi təcavüz edib.
İbrahimov R. keçən il də cinsi zorakılıq etdiyini və indiki bu beş təqsir maddəsi ilə də razılaşdığını bildirib.
İbrahimovun vəkili David Temkin ona kəsilən cəzanın yüngülləşdirilməsini istəyib: «…həbs onun ailəsi və xüsusən də Londonda geyim şirkətinin baş direktoru olan qızı üçün fəsadlar törədəcək. Çünki İbrahimov qızının öz peşə vəzifələrini yerinə yetirməsinə imkan vermək üçün nəvələrinə qulluq etməyi öz üzərinə götürüb. Bu rolu öhdəsinə götürəcək başqa heç kim yoxdur…»
Hakim onun hərəkətlərini 60 yaşı olan bir kişi üçün «məntiqsiz» və «çirkli» adlandırıb, lakin əlavə edib ki, onun cəza yüngülləşdirici halları olduğuna görə, görünür, cəzanı təxirə sala bilər.
(Northwich Guardian)
