O müdhiş gecəni bir daha Allah,
Göstərmə xalqıma, elimə mənim.
Unuda bilmirəm, hey çəkirəm ah….
Ayrı söz gəlməyir dilimə mənim.
Gözümün önündə acı mənzərə,
körpələr də yatıb qanlı qucaqda.
Matəm içindədir hər yan, dağ-dərə,
Təxliyyə olmağa yoxdur uçaq da…
Uşaqdan böyüyə, cavan-qocalı,
Yenə o günlərə qayıtmaq çətin…
Qanına qərq oldu, o gün Xocalı,
Bütün olanları unutmaq çətin…
Qanla yaddaşıma yazıldı o gün,
Neçə arzu söndü, ümüd kəsildi.
Göylərin bağrını körpə naləsi
Torpağın bağrını al-qan kəsdirdi.
