“-BƏS HAKİMLƏR KİMLƏRDİR?” – Qriboyedovun ölməz «Ağıldan bəla» komediyasında baş qəhrəman Çatskiyə məxsus gözəl bir ifadə var. Bu ifadədə baş qəhrəman Çatski, (yumşaq desək) özləri özlərinə hakimlik rolu seçmişlərin başqa fikirlərə, fikir sahiblərinə göstərdikləri münasibətə öz etirazını səsləndirir.
Şübhə etmirəm ki, “Park” Nəşriyyatında buraxılan «Müstəqillik dövrünün ən yaxşı hekayələri» gözəl hekayələr toplusudur, amma, ritorik bir sual çıxır ortaya:”…ən yaxşı hekayələr…” yəni, ən yaxşı? Kitab kimlərin rəyi (hansı ədiblər, tənqidçilər, yazıçılar, yaxud, oxucu soğrğuları) əsasında ortaya çıxıb, bilinsəydi pis olmazdı.
Baxmayaraq ki, almanaxlar əvvəllər də nəşr olunub, məs., yazıçı və «Xəzan» jurnalının baş redaktoru Əli Bəy Azərinin təşəbbüsü ilə belə bir neçə birgə seçmələr -almanaxlar nəşr olunub: «BAYRAQ» hekayələr toplusu-22 müəllif; «25 YAZIÇININ HEKAYƏLƏRİ» toplusu( https://losman.ru/toplum-25-yazicinin-hekay%c9%99l%c9%99ri/ ;
https://losman.ru/bayraq-hekay%c9%99l%c9%99r-toplusu-22/ )
— «…Oxucu kitabı vərəqlədikcə, müstəqilliyin ədəbi portretini görəcək.Belə bir toplu Azərbaycanda ilk dəfə nəşr olunur», — annotasiyada qeyd olunub.
Müasir Azərbaycan hekayəçiliyinin üslub müxtəlifliyini, yeni dövrün-müstəqillik dövrünün qarşıya qoyduğu problem və onların həlli yollarını, müasir ədəbiyyatın seçilmiş nümunələrini niyə yalnız bu topluda axtarmaq lazımdır və seçmələr kimlərin rəyi ilə tərtib olunub, tam aydınlıq yoxdur, necə ki, red. heyətinin kimlikləri.
Eyni zamanda, “Park” Nəşriyyatında “Müstəqillik dövrü Azərbaycan poeziyasının ən yaxşı şeirləri” çapdan çıxıb.
Kitabda 11 şairdən 11 şeir, ümumilikdə, 121 nümunə toplanılıb. (Losman.ru)
«Park» nəşriyyatının təsisçi-direktoru Vüqar Vanın hekayələrin hansı meyarlar əsasında seçilməsi ilə bağlı mövzuya münasibəti.
O bildirib ki, antologiyadakı müəlliflər nəşriyyatın şair-yazıçılardan ibarət olan idarə heyətinin uzun məsləhət-məşvərətindən sonra müəyyənləşib:
«Kitabın bir konsepsiyası var. Müəlliflər də həmin konsepsiyaya uyğun olaraq seçilib. Kitab, adından da göründüyü kimi müstəqillik dövrümüzün, yəni 90-cı illərdən ta bugünə kimi olan bir dövrün ədəbi xəritəsidir. Bu konsepsiya işimizi xeyli asanlaşdırdı, 30-35 illik dövrdə tapıb-seçdiyimiz ancaq 33 müəllif oldu.
Hekayələri isə müəlliflərin özündən almışıq. Bəzən elə olur ki, müəllifin özünə doğma hesab elədiyi mətni diqqətdən kənarda qalır, oxucular başqa hekayəni sevirlər, başqa hekayəsi ilə tanınır. Fikirləşdik ki, qoy müəlliflər onlara ən doğma mətnlərini seçib atsınlar.
Bir tanışım yarızarafat, yarıciddi mənə dedi ki, yenə öz dostlarınızı yığıb kitab çıxarmısınız. Fikirləşdim, haqlıdır, 30 illik bu tarixdə yazıb-yaradan hamını, ya da demək olar ki, hamını tanıyırıq, hamı bizim dostumuzdur. Diqqətdən kənarda qalan adam ola bilməz.
Biz Park nəşriyyatı olaraq deyirik ki, elə nə varsa, budur. Bu kitabda bir nəfər razılaşmadığım müəllif var, o da özüməm…
P.S.
Redaksiya heyətinin fikrinə görə, almanaxın dünyanın 5 aparıcı dilinə tərcüməsi planlaşdırılıb. Ən qısa zamanda — Bakı Beynəlxalq Kitab Sərgisində təqdimatı olacaq.
