Gedirəm
Ötüb getdi ömür adlı karvanım
Daha vaxtdı, gor dalınca gedirəm.
Əldən düşmüş, gözdən düşmüş sarvanam,
Yorğun-arğın nər dalınca gedirəm.
Gədiklərdə soraqlayın siz məni,
“Tumarladı” duman məni, sis məni.
Ərzuruma aparacaq iz məni,
Əsli deyib yar dalınca gedirəm.
Eşqə düşdüm, bağrım yandı, köz oldu,
Yersiz əda, yersiz işvə, naz oldu.
Şeir yazdım, sinəm üstə saz oldu,
Kaman kimi tar dalınca gedirəm.
Mən Ramizəm, aşmamışam həddimi,
Məclislərdə gözləmişəm səddimi!
Yaman yerdə fələk əydi qəddimi
Tərlan idim, sar dalınca gedirəm!
06.03.2023, Xırdalan şəhəri
Üç rəngli bayrağım
Biz bilirik torpaq nədi, göy nədi?
Yaşıl nədi, mavi nədi, göy nədi?
Yağı düşmən zəlil olub göynədi
Ay-ulduzlu bayrağımın önündə.
Üç rəngi var – qırmızısı al çalar,
Bəzəyidi yaşıl çalar, al çalar.
Rəzil qonşu baş endirib alçalar,
Ay-ulduzlu bayrağımın önündə.
İti qovan kimi qovduq hayları,
“Dəmir yümrüq”, dəmir zərbə payları.
Qan qusdurduq ağlı, başı zayları,
Ay-ulduzlu bayrağımın önündə.
Axmaq köpək qaysavaya üz tutar,
Nanəcibi çörək tutar, duz tutar.
Qalib əskər qamətini düz tutar,
Ay-ulduzlu bayrağımın önündə.
Müqəddəsdi şəhid qanı, ay dığa,
Aç gözünü bizi tanı, ay dığa.
Diz çökdürdük Hayastanı, ay dığa,
Ay-ulduzlu bayrağımın önündə.
Qarabağın çal-çağırı öndədir,
Ramiz deyər: bol uğuru öndədir.
Yurda köçün yol-cığırı öndədir –
Ay-ulduzlu bayrağımın önündə.
02.05.2023, Xırdalan şəhəri
Yoxdur
Elə dağ cəkilib sinəmə mənim
Qaysaq bağlamağa gümanı yoxdur.
Üzdüm qəvvas kimi gəm dəryasında
Tutub yapışmağa samanı yoxdur
Könül əzabını gördüm hər vədə,
Güllə yarasından ağır zərbə də,
Bu dağ o dağ deyil – deyəm zirvədə
Yağışı, çiskini, dumanı yoxdur.
Bir yanda eyş-işrət, bir yanda nəva,
Bir yanda qan-qada, bir yanda dava,
Neyləsin bu yazıq dünya binəva
İnsanın insana amanı yoxdur.
Birinin qızılı, pul-parası var,
Birinin sağalmaz yüz yarası var,
Birinin əynində zər-xarası var,
Birinin yamaqlı tumanı yoxdur.
Dərdə boyun əysəm, dərdə dözməsəm,
Boğazını yeddi yerdən üzməsəm,
Mən nəyə lazımam möhüb düzməsəm,
Deyərlər Ramizin imanı yoxdur.
14-15.11.2022, Xırdalan şəhəri
Dünyamızın dəli olan vaxtıdır
Yer üzündə milyon-milyon lotu var,
Köbəyində, sinəsində tatu var,
Dodağında sulu qəlyan, patı var,
Dünyamızın dəli olan vaxtıdır.
Saç uzadır, kişiliyi bilinmir,
Şalvar geyir, dişiliyi bilinmir,
Pələngliyi, pişikliyi bilinmir
Dünyamızın dəli olan vaxtıdır.
Qız-gəlinlər ana-hüryan, lüt gəzir,
İt-pışıklə qucaqlaşıb cüt gəzir,
“Hell”dən içib, gicəllənib küt gəzir
Dünyamızın dəli olan vaxtıdır.
İşsiz, gücsüz, veyil-veyil gəzən var,
Arvadından, uşağından bezən var,
Anasının əmcəyini kəsən var,
Dünyamızın dəli olan vaxtıdır.
Ər-arvadın söz-söhbəti kəc olur,
Uşaqları şikəst olur, gic olur,
Süni yolla mayalanan bic olur,
Dünyamızın dəli olan vaxtdır.
Dünyamızın dərdi-səri azdımı?
Carxı dönüb, yolu-izi azdımı?
Ramiz görən hər üzünü yazdımı?
Dünyanızın dəli olan vaxtıdır.
17.11.2022, Xırdalan şəhəri
Mən kiməm?
Bir suala cavab tapa bilmirəm,
Körpə üşaq idim, indi mən kiməm?
Üz-gözü nur dolu, təbəssüm dolu
Qəmdən uzaq idim, indi mən kiməm?
Nənəm qürrələnib qoç qurban deyib,
“Şükür kərəminə, yaradan” deyib.
Babam məğrur idi, astadan deyib
Nurlu çıraq idim, indi mən kiməm?
Əziz idim ürək kimi, göz kimi,
Şirin idim çörək kimi, duz kimi.
İsidirdim kürə kimi, köz kimi,
Yanar ocaq idim, indi mən kiməm?
Anamım gözündə igid boyüdü,
Arzu qanaq açdı, ümid böyüdü.
Göylərə qaldırdı ata öyüdü
Arxa-dayaq idim, indi mən kiməm?
İbadət eylədim eşqin pirinə,
Könül açdım, könül verdim birinə.
Dörd ürək qovuşdu biri-birinə
Evdə mayak idim, indi mən kiməm?
Bir özüm qalmışam, bir də xatirəm,
Qazancım nədi ki, nə də itirəm.
Harda başlamışdım, harda bitirəm,
Yaşıl yarpaq idim, indi mən kiməm?
Bu bir nağıldımı, hekayətdimi?
Taledən, iqbaldan şikayətdimi?
Cənnətə aparan səyahətdimi?
Fəxri qonaq idim, indi mən kiməm?
Ömür az qalıb ki, zirvədən aşa,
Ramiz nədən deyə, nədən danışa.
Açmışdım qohuma, dosta, tanışa
İsti qucaq idim, indi mən kiməm?
05.09.2023, Xırdalan şəhəri
